Júlía Hannam

Ég lærði leiklist í The Stage Group Theatre í Sanfrancisco á árunum 1977 til 1979 (Já ég er ekkert unglamb:)). Þessi skóli er ekki til lengur og finnst ekki einu sinni á netinu. Stofnandinn, Wendell Philipps, sem hafði unnið mikið í New York með Actors Studio og verið bæði leikari og leikstjóri þar um árabil en þurft að flytja af heilsufarsástæðum yfir á vesturströndina, lést 1984. Þá var ég flutt heim. Skólinn hefur líklega lognast út af eftir það. Vorið 1979 flutti ég til New York og þar stofnuðum við leikhóp sem var aðallega að improvisera. Eftir eitt ár af því ákváðum við að stofna hljómsveit. Ég keypti mér Farfisa orgel og spilaði fyrst á það en settist svo einhvertíma fyrir aftan trommurnar og slapp ekkert þaðan. Ég keypti svo dásamlegar TAMA trommur og rafmagnstrommur sem ég æfði mig á í eldhúsinu okkar við tónlist The Doors og Rolling Stones. Í lok 1982 flutti ég heim. Ísland var best!

Ég var óskaplega glöð þegar Hrund Ólafsdóttir, höfundur leikritsins Róðarí hafði samband við mig og bað mig að vera með í uppsetningu verksins. Ég hef verið með í teyminu síðan í vor að æfingar hófust í Tjarnarbíó, miðstöð lista. Það hafa verið algjör forréttindi að sitja æfingar með hinum einstaklega sjarmerandi Kolbeini Arngrímssyni og fítonsleikkonunum fjórum: Önnu Kristínu Arngrímsdóttur, Guðbjörgu Thoroddsen(Bauju), Halldóru Björnsdóttur og Margréti Guðmundsdóttur. Að ég tali nú ekki um að fylgjast með Erling Jóhannessyni leikstjóra spinna vefinn.

I was very happy when Hrund Ólafsdóttir, the author of Róðarí, asked me to help her with the project. I have been with the Róðarí team since the rehersals in Tjarnarbíó, miðstöð lista, started this spring. It has been a real privilege attending rehersals with the charming Kolbeinn Arngrímsson and the four experienced, wonderful and fun Anna Kristín Arngrímsdóttir, Guðbjörg Thoroddsen (Bauja), Halldóra Björnsdóttir and Margrét Guðmundsdóttir. Not to mention Erling Jóhannesson, the very talented director, spinning the web.