Further Information

Á Facebook síða Kommentakerfisins er hægt að fá svar við flestum spurningum sem tengjast spilinu.

Grunnhugmyndin

Hugmyndin kviknaði þegar mér mistókst að finna leið til að þýða hið stórfyndna spil Cards Against Humanity. Það bara virkar ekki sérstaklega vel á íslensku. Í kjölfarið datt mér í hug að nota grunnhugmyndina sem Cards (ásamt mörgum öðrum spilum) byggir á og setja það upp sem kommentakerfi á netmiðli. Prufuspilun staðfesti að þetta yrði líklega fyndnasta spil sem hefur verið búið til á íslensku.

Í spilinu eru tvenns konar spjöld: 320 kommentaspjöld og 80 fyrirsagnaspjöld. Langflest kommentin eru byggð á raunverulegum athugasemdum frá íslenskum netverjum. Þannig fær maður þá raunveruleikatilfinningu sem fylgir óstjórnlegri reiði, stafsetningarvillum og handahófskenndri notkun á greinarmerkjum. Þó er rétt að nefna að jafnvel eðlilegustu athugasemdir geta orðið stórfyndnar þegar þær eru settar í rangt samhengi.

Spilið hentar 13 ára og eldri, það inniheldur nokkuð af dónalegum orðum sem flest grunnskólabörn þekkja.

Það tekur varla nema svona tvær mínútur að læra spilið og síðan getur skemmtunin hafist!

Aukamarkmið

Þið getið stækkað spilakassann ykkar með því að benda vinum ykkar á að vera með.

5000 evrur er sú lágmarksupphæð sem þarf til að prenta spilið. Við stefnum samt hærra. Ef við söfnum 15.000 evrum þá munum við fjölga spjöldunum í kassanum.

Ef við rjúfum 30.000 evru múrinn þá munum við fjölga spilunum alveg upp í 500.