Further Information

Velkomin / Welcome !

Velkomin á Karolina fund síðu Heita Pottsins! Við höfum verið svo heppin að frábærir aðilar sem hafa trú á verkefninu hafa styrkt okkur, en núna vantar okkur loka fjármögnun til að geta klárað þetta flotta heimildaverkefni með stæl! Við erum DÆMALAUST þakklát fyrir stuðninginn!

Welcome to our crowdfunding site for The Hot Tub documentary! We have been SO lucky to have sponsors who believe in our project and made it possible to start the process, but to be able to finish the film for the world to enjoy, we need your help! Please read what our amazing pledges include, we are SO thankful for ALL support!

Stikla / Teaser

Stikla úr myndinni hefur verið sett saman og má sjá hér fyrir neðan. Hún verður sýnd á heimildamyndahátíðinni Skjaldborg á Patreksfirði helgina 22.- 25. maí þar sem myndin verður kynnt sem verk í vinnslu.

Please check out our teaser as shown in Patreksfjörður, Iceland on 24. of May as part of "Work in progress", in Skjaldborg documentary festival.

Um myndina / About the project

Heiti Potturinn er stutt heimildarmynd sem fangar sérstæða og skemmtilega umræðuhefð Íslendinga sem myndast í heita pottinum - hefð sem á sér hvergi líka annars staðar í heiminum.

Myndin heimildar og festir á filmu tengingar fólksins í pottinum - raunverulegar umræður og félagslegar, samfélagslegar og pólitískar skoðanir, hugsanir og einkenni okkar Íslendinga.

Áhorfandinn færist inn í heim heita pottsins, inn í heim umræðnanna, inn í heim fólksins og fær smátt og smátt að kynnast þeim betur og betur; á fallegan, einlægan og hugljúfan hátt, sem er á sama tíma áhugaverður og fræðandi.

Fólkið, sem öðlast rödd í heita pottinum, fær tækifæri á að láta hana heyrast víðar - og okkur hinum er gefið tækifæri á að kynnast einstökum karakterum og kafa ofan í skemmtilega og hrífandi menningu.

Viðfangsefnið, þ.e. fólkið í pottinum, verður nálgast af mikilli virðingu og fegurð, af sannkallaðri gætni og samkennd, hlátri og gleði. Við munum kynnast draumum þeirra og lífsgildum, sem eiga sér hliðstæðu í menningarkimum um allan heim: Bretar hittast á pöbbnum til að ræða við félagana um heimsmálin, Tyrkir hittast á tehúsum, Úgandabúar hittast á internetkaffihúsunum, Múslimar í moskvum, Indverjar í brúðkaupum og veislum, og við Íslendingar í heita pottinum!

Heimildarmyndin Heiti Potturinn verður myndskreytt að hluta af Láru Garðarsdóttur og einnig hljóðskreytt af Grúska Babúska, Kira Kira og dj flugvél og geimskip. Myndin verður ca. 20 mín að lengd og er hún í leikstjórn Hörpu Fannar Sigurjónsdóttur og framleidd af Evu Sigurðardóttur og Önnu Sæunni Ólafsdóttur hjá Askja Films.

ENGLISH

The Hot Tub captures the unique culture of the Icelandic HOT TUBS. Iceland has long been known for it's natural, warm water due to geothermal activity. Hence our great, warm swimming pools all round the country with traditional hot tubs on the side. After a good swim it has become a tradition for many Icelanders or "Hot-tubbers" to relax in the hot tub and socialize, on a cold winter morning this is something that cannot fail.

But for some, this has become more than just a tradition, but rather a fundamental ritual to start out the day. We want to get to know these people and what it is that drives their dedication to the hot tub, what makes them tick, what makes them laugh, what makes them cry?

That is why we believe this is a subject that matters, a story to be told to the world!

The Hot Tub is a short documentary by Harpa Fönn Sigurjónsdóttir & Askja Films. The film is due to be released in the autumn 2015 and your support will enhance our chances of making it a reality!

Harpa Fönn Sigurjónsdóttir höfundur

"Ég verð að viðurkenna að ég hef sjaldan, eða aldrei, unnið að jafn fallegu og áhrifaríkur verkefni.

Ég vakna kl. 6 alla morgna spennt fyrir því að hitta hópinn minn og hjarta mitt stækkar á hverjum morgni við samveruna og kærleikann sem þessi hópur gefur frá sér.

Ef ég næ að koma jafnvel þó ekki sé nema 50% af þessari tilfinningu og þessari upplifun á hvíta tjaldið – þannig að almenningur geti notið og fengið innsýn inn í þennan yndislega heim – er takmarki mínu náð"

Húnahópurinn í Örlygshöfn

Um hópinn

Úr varð að ég ákvað að taka fyrir svokallaðan Húnahóp sem mætir í Vesturbæjarlaugina kl. 6.20 og sækir svokallaðan Örlygshafnarpott.

Bæði var það vegna sérstakra tengsla við Vesturbæinn, ég bæði bý þar og ólst half partinn upp þar, en einnig var það vegna persónulegra tengsla sem ég fann við þennan einstaka hóp.

Mér var svo vel tekið, en einnig er einhver einstakur kærleikur, nánd og virðing sem einkennir Húnana.

Hópurinn tók mér til dæmis það vel að mér var veitt viðurkenning á litlu jólunum þeirra á Kaffivagninum þann 19. desember s.l. - sem nýliði ársins!

Meðalaldur hópsins er um 70 ára og frá helstu stéttum þjóðfélagsins.

Húnarnir byrja oft á því að synda aðeins, og eru svo komin í Örlygshafnarpott Vestubæjarlaugarinnar kl. 6.50. Þar sitja þau að spjalli til kl. 7.28, eða þangað til æfingar Halldórs byrja kl. 7.30, en þá flykkjast vinir Dóra á sundlaugarbakkann og gera Mullersæfingar í 7 mínútur.

Í hópnum eru um 9 manns, en þó eru það þrír sem mynda ákveðinn kjarna sem mæta alla daga og er engin afsökun tekin tæk fyrir því að mæta ekki. Þetta eru þeir Vigfús, Þór og Árni.

Þetta er hann Vigfús.

Vigfús er 82 ára læknir, og sýnir svo mikla samkennd og kærleik að það nær engri átt! Hann er til dæmis stór ástæða þess að Harpa fékk þennan einstaka aðgang að þessum stórkostlega hópi og þessu stórkostlega fólki. Einnig er það Vigfús sem hefur fært flestum pottverjum e-r viðurnefni, sbr. Kanselistinn, stóri prestur, mjóni, organistinn og fleira í þeim dúr.

Þetta er hann Þór.

Hann er 77 ára sannur Húnari og hefur sótt heita pottinn á hverjum morgni í yfir 30 ár.

Í haust, þegar Harpa var að byrja að stunda pottinn og kynnast pottverjum, svaraði hún óvart "já OK!", við einhverjum af þeim fjölmörgu upplýsingum og staðreyndum sem er fleygt á milli pottverja.

Þór var ekki lengi að grípa það á lofti og horfi alvarlega á Hörpu, sposkur á svip, og sagði: "Hér tölum við íslensku". Harpa hefur ekki vogað sér að gera þessi mistök aftur síðan, enda má með engu móti brjóta reglur pottsins!

Þetta er hann Árni.

Árni er 83 ára gamall og segist vera kommúnisti, kann hverja vísuna á fætur annarri, og finnst Vigfúsi, sem er gamall íhaldssinni, fátt skemmtilegra en að grípa háttvirtar kenningar hans á lofti og skjóta vingjarnlega á efni þeirra og innihald, til að reyna að hreyfa við Árna, sem heldur þó alltaf ró sinni.

Um tökurnar

Tökur hafa gengið alveg rosalega vel, og er potturinn víggirtur hljóðnemum og Harpa, vopnuð myndavél og þrífæti, er sem fluga á vegg við þessar einstöku aðstæður.

Móttökurnar hafa verið dásamlegar, og Húnarnir löngu hættir að taka eftir myndavélunum og öllum græjunum.

Takk fyrir stuðninginn allir saman!

kær kveðja,

Harpa Fönn Sigurjónsdóttir, handrit, leikstjóri, framleiðandi, tökur og klipping
Eva Sigurðardóttir, framleiðandi
Anna Sæunn Ólafsdóttir, framkvæmdastjóri
Lára Garðarsdóttir, myndskreytir og hreyfimyndagerð
Michael Christophersson, litgreining
Agnar Friðbertsson, hljóðsetning
Kira Kira, Grúska Babúska og dj flugvél & geimskip, hljóðhönnun og tónlist
Gunnar Auðunn Jóhannsson, aukatökur
María Kjartans, ljósmyndun

Styrktaraðilar/Sponsors

Íþrótta- og tómstundaráð Reykjavíkur, ÍTR, hafa heldur betur staðið með okkur og komu snemma inn í ferlið, en þau annast sundlaugar Reykjavíkurborgar og hafa gert okkur mögulegt að framkvæma tökur og hefja fjármögnun verkefnisins.

Reykjavíkurborg hefur einnig stutt við bakið á okkur, enda myndin okkar ekkert smá flott auglýsing fyrir borgina okkar og menningu hennar!

Kvikmyndamiðstöð Íslands hafa sýnt okkur óbilandi traust og staðfest trú þeirra á okkur með framleiðslustyrk til að geta látið myndina verða að veruleika.

Nýherji hefur hjálpað okkur með tækjabúnaði á frábæru verði í gegnum undirbúnings- og tökuferlið auk þess að útvega okkur þessa ÆÐISLEGU nýju vatnsheldur Sony Walkman fyrir til að skella sér í sund með! (Nánari upplýsingar neðar)

Vesturbæjarlaug hefur verið alveg hreint STÓRKOSTLEG og liðleg við okkur með allt okkar dót og tilfæringar í kringum tökurnar í pottinum hjá þeim, þau eru algerar elskur sem eiga margfalt hrós skilið!

Kaffihús Vesturbæjar er besti staðurinn í bænum til að setjast niður eftir sundferð og fá sér kaffibolla og hráköku! Harpa hefur eytt hjá þeim ófáum klukkutímum í vinnu eftir sundferðir morgnanna, auk þess sem hægt verður að fá kaffikort hjá þeim ef þið veljið það pledge!

Melabúðin, það er ekki meira viðeigandi og krúttlegri staður til að versla á í Vesturbænum og þótt víða væri leitað! Það er klárlega staðurinn til að koma við á eftir góða sundferð, einnig voru þau svo elskuleg að styrkja okkur um ís, sem þið elsku stuðningsaðilar getið fengið ykkur eftir sund!

RÚV hefur gefið vilyrði fyrir kaupum á myndinni, við erum afar þakklát og stolt af því.

Bíó Paradís hefur einnig gefið út vilyrði þess efnis að sýna myndina þar! Rock on!

Sony Vatnsheldur Walkman frá NÝHERJA í sundið og heita pottinn!

Nýherji eru með nýjan og byltingarkenndan sund tónlistarspilara sem við mælum með að allir næli sér í!

Meirháttar tónlistarspilari frá Sony Vatnsheldur, engar snúrur.
Fullkominn í ræktina, sundið eða hlaupið!
Njóttu tónlistarinnar þinnar hvar sem er
Þolir vatn í hvaða formi sem er (IPX8 staðlaður)
Situr fastur á höfðinu við mikla hreyfingu
Hágæða 13.5mm heyrnatól
Tíðnisvið; 20-20.000 Hz
4GB minni geymir allt að 990 lög
3ja mínútna hleðsla dugir í 60mín.
Allt að 8klst afspilun á hleðslu
Hvítur