Further Information

Öll áheit yfir 50 € fá boð á sérstaka styrktaraðila sýningu!

Hörður Bent Steffensen er barnabarn Helgu Steffensen og mun taka við keflinu og endurvekja Brúðubílinn á ný, með ykkar hjálp mun Brúðubíllinn vera tilbúinn til sýningar í sumar 2025!

Brúðubíllinn er ómissandi hluti af íslenskri barnamenningu og hefur glatt börn og fjölskyldur í áratugi með skemmtilegum og fræðandi brúðuleiksýningum. Nú viljum við endurvekja Brúðubílinn, en til þess þurfum við hjálp!

Við eigum mikið sem þarf til að koma sýningunum aftur í gang: leikrit, leikmynd, brúður, og leikarar eru klárir! En það er einn stór galli – gamli Brúðubíllinn er orðinn ónýtur, og án hans kemst sýningin ekki út til barnanna.

Til að halda þessari dýrmætu hefð á lífi þurfum við að kaupa nýjan bíl, nýtt hljóðkerfi og merkingar á bílinn. Með ykkar stuðningi getum við tryggt að Brúðubíllinn rúlli aftur um landið og veiti gleði og töfra fyrir nýjar kynslóðir barna.

Hvernig get ég hjálpað?Þú getur lagt þitt af mörkum með því að styrkja verkefnið hér á Karolina Fund. Sérhver króna skiptir máli og færir okkur nær því markmiði að endurvekja Brúðubílinn.

Vertu með í að halda brúðuleikhúsi fyrir börn lifandi á Íslandi!

Takk fyrir stuðninginn!