Further Information

Grýla kallar á börnin sín,
þegar hún fer að sjóða til jóla:
Komið hingað öll til mín,
Leppur, Skreppur,
Lápur, Skrápur,
Langleggur og Skjóða,
Völustallur og Bóla,
Sigurður og Sóla

Sóla og stjörnurnar er sjálfstætt framhald af Sóla og sólin sem kom út 2014 og fjallar um Sólu Grýludóttur. Í þessari sögu vill Sóla ekki hlýða mömmu sinni sem móðgast svo ógurlega að hún hendir Sólu út í vetrarkuldann.. Hvernig skyldi Sólu reiða af út í næturfrostinu?
Sóla sögukona hefur farið á flesta leikskóla Reykjavíkurborgar og sagt börnunum sögur. Meðal annars sögur af æsku sinni í Grýluhelli. Í þessari bók lendir Sóla uppá kant við mömmu sína en ólíkt hinum systkynum sínum á þessum tíma vildi Sóla alls ekki hrekkja börn eða vera ótuktarleg.
Sagan Sóla og stjörnurnar lifnar við með teikningum eftir Hlíf Unu .

Um höfund og teiknara

Ólöf Sverrisdóttir er leikkona, sögukona og skáld. Hún hefur gefið út eina barnabók „Sóla og sólin“, ljóðabókina „Hvítar fjaðrir“ og smásögur í smásagnasafninu Möndulhalli. Einnig hefur hún skrifað fjölda leikrita en barnaleikritin Sköpunarsaga og Frá goðurm til Guðs voru sýnd út um allt land. Ólöf starfaði til margra ára sem sögukona og viðburðastjóri hjá Borgarbókasafni og sagði sögur í sögubílnum Æringja. Einnig hefur hún verið með ritlistarnámskeið hjá Endurmenntun og leiklistarnámskeið fyrir fullorðna hjá Leiklistarskólanum Opnar dyr sem hún og Ólafur Guðmundsson hafa rekið um árabil.

Hlíf Una Bárudóttir útskrifaðist úr teikningu frá Myndlistaskóla Reykjavíkur árið 2016. Síðan þá hefur hún aðallega unnið við myndskreytingu bóka og bókarkápa. Hún var tilnefnd til Íslensku bókmenntaverðlaunanna árið 2021 sem myndhöfundur bókarinnar Í huganum heim. Einnig hefur hún tekið að sér fjölbreytt teikniverkefni fyrir fjölmiðla, stofnanir, gert ýmsar tækifærismyndir fyrir einstaklinga og fyrirtæki ásamt því að sinna stundakennslu við Myndlistaskóla Reykjavíkur.

Höfundur með bókina Sóla og sólin

Sóla er nú orðin fullorðin. Hún ferðast um segir sögur og skemmtir börnunum