Further Information

Leitað er eftir stuðning við útgáfuna sem höfundur sér sjálfur um og er markmiðið sett á að safna fyrir föstum kostnaði við útgáfuna, prenti og því sem fylgir. Önnur vinnulaun og höfundarlaun eru ekki innifalin í þessari söfnun. Með því að styðja verkið hér á síðunni tryggir fólk sé eintak á lægsta mögulega verði og hjálpar til þess að bókin komi út.

Þetta er óvenjuleg bók um óvenjulegt fólk og staði í Afríku. Stefán Jón Hafstein hefur starfað að þróunarsamvinnuverkefnum í álfunni, ferðast vítt og breitt um hana og haldið til haga frásögnum, myndum og hugleiðingum sem á hann leita á vettvangi. Hér eru sögurnar og myndirnar.

Bókin er samsafn greina sem tengjast með ýmsum ólíkum þráðum gegnum myndrænar frásagnir og lýsingar Stefáns Jón í texta. Væntumþykja og virðing skína alls staðar í gegn, enda er undirtitill bókarinnar: Ást við aðra sýn.

Nánari upplýsingar um bókina á www.stefanjon.is
og
Facebook

Bókin er prýdd fjölda ljósmynda sem eru samofnar frásögninni. Hér má sjá sýnishorn: http://online.flipbuilder.com/qukg/hjgy/

Í formála segir: ,,Í þessari bók eru frásögur og hugrenningar um fólk, stundir og staði sem ég upplifði sjálfur og segi frá. Vegna þess að mig langar til þess og vegna þess að ég held að við þurfum að vita meira hvert um annað sem byggjum plánetuna Jörð. Skilja hvert annað betur.

Ég er ekki sagnfræðingur, landafræðingur, mannfræðingur, hagfræðingur, þróunarfræðingur eða stjórnmálafræðingur þótt ég hafi daðrað við þetta allt og meira til. Ég hef búið á nokkrum stöðum í Afríku, starfað og ferðast um álfuna. Þegar upp er staðið og allt er talið er ég bara maður með myndavél sem segir frá."