Further Information

Handbók um brjóstagjöf

Mikilvægt er að undirbúningur fyrir brjóstagjöf hefjist á meðgöngu. Þessi bók miðar að því að útskýra ferli brjóstagjafar og leiða foreldra í gegnum hvert tímabil í brjóstagjöfinni ásamt þeim helstu áskorunum sem foreldrar mæta.

Fyrstu dagarnir og vikurnar eftir fæðingu eru oft á tíðum mjög krefjandi og er það von okkar að þessi bók styðji og styrki foreldra í að ná sínum markmiðum í brjóstagjöfinni.

Bókin er hugsuð sem handbók fyrir foreldra, ömmur og afa, fagfólk og alla þá sem vilja styðja og valdefla konur í brjóstagjöf.

Árlega fæðast um 5000 börn á Íslandi. Tíðni brjóstagjafar miðað við norðurlöndin, er ekki há á Íslandi og brjóstagjöf er mikilvægt lýðheilsumál. Í samfélagi okkar í dag er hafsjór af alls konar misvísandi upplýsingum og ráðum sem foreldrar fá úr ýmsum áttum og er það ástæðan fyrir því að við ákváðum að setjast niður og skrifa þessa bók.