Further Information

Nú þegar þjóðfélagið stígur skrefin út úr heimsfaraldri er okkur loksins kleift að halda Druslugangan hátíðleg á nýjan leik. Laugardaginn 23. júlí verður gengið niður frá Hallgrímskirkju og að Austurvelli, þar sem efnt verður til samstöðufundar með ræðuhaldi og tónlistarflutningi.

Enn og aftur hafa tímarnir leitt í ljós að þörfin fyrir Druslugönguna er mikil. Kynferðisofbeldi þrífst í samfélagi þar sem rödd þolenda fær ekki að heyrast, og því er nauðsynlegt að skapa öruggan vettvang þar sem druslur nær og fjær geta sameinast undir merkjum viðhorfsbreytinga.

Öll vinnan að baki Druslugöngunni er innt fram í sjálfboðastarfi og önnur útgjöld greidd með hagnaði af söluvarningi. Undanfarin tvö ár hefur smithætta komið í veg fyrir að öruggt hafi verið að halda Druslugönguna, og fjárhagsstaða okkar hefur því beðið hnekki.

Við leitum til druslusamfélagsins um aðstoð við að halda gönguna í ár, ásamt því sem fjáröflunin mun gera okkur kleift að bjóða upp á fræðsluefni og leiðbeina þolendum um úrræði sem taka tillit til upplifana hvers og eins.

Við munum bjóða upp á varning til þeirra sem að styrkja okkur, hægt verður að fá hann sendan eða ná í hann til okkar fyrir gönguna.