Further Information

Markmið okkar með spilasalnum er að bjóða glæsilega aðstöðu fyrir allskyns spilmennsku, endurgjaldslaust á opnunartíma. Þar má nefna sem dæmi D&D, Warhammer, Magic, Pokémon og ýmiskonar borðspil.
Við þurfum að betrumbæta og uppfæra í salnum okkar til þess að gera spila upplifunina sem ánægjulegasta. Til dæmis að bæta hljóðvist, lýsingu, setja upp skilrúm og bæta við hlutum sem sum spil krefjast, svo sem borð af réttum stærðum og gerðum, spilamottur ofl.

Með ykkar hjálp gerast ævintýrin!

Í Spilasal Goblin leggjum við áherslu á þann félagslega- og menningarlega ávinning sem borðspil hafa. Þetta er fyrsti og eini alvöru vettvangurinn hér á landsbyggðinni fyrir alla spilanörda. Við bjóðum við upp á aðstöðu, námskeið og viðburði fyrir öðruvísi borðspil, hlutverkaspil, safnspil, módel málningu og ýmislegt fleira.
Einnig erum við með "nördabúð" samtengda salnum, svo allt sem þarf er við höndina.

Þriðjudaga-Föstudagar eru þemakvöld hjá okkur þar sem hægt er að setjast inn og skiptast á spilum, spila og spjalla. Þú sérð allt um viðburðina okkar á Viðburðadagatali Akureyrar! https://www.visitakureyri.is/is/vidburdadagatal

Spilin sem við leggjum áherslu á eru afar skapandi og listræn.

Hver hefur ekki heyrt um D&D?
Það hefur nú hlotið sívaxandi og vel verðskuldaðar vinsældir. Ásamt því að vera skemmtilegt spil, er það frábært tól til þess að efla sköpunarkraft, tjáningu, samvinnu, tengslamyndun og félagsfærni.