Further Information

Hópur áhugafólks stefnir á að opna Vatnskots safn í sömu byggingu og hýsir Bílasafnið á Breiðdalsvík (Factory Car Museum) Til að svo megi verða þarf að gera endurbætur / breytingar á þeim hluta hússins sem safnið verður í. (Var áður frystihús) Símon Daníel Pétursson (d.1966) bóndi, smiður og uppfinningamaður og sonur hans Pétur Símonarson voru annálaðir hagleiksmenn í Vatnskoti í Þingvallasveit létu eftir sig töluvert af tækjum, tólum, verkfærum og búnaði sem þeir höfðu smíðað eða endurbætt til breyttrar notkunar. Hluti þessa varnings hefur verið í fórum ættingja í gegnum tíðina en eitthvað hefur varðveist utan frændgarðsins. Þegar okkur bauðst á dögunum að kaupa uppgert Harley Davidson hjól Péturs, árgerð 1931 vaknaði sú hugmynd að leyfa fleirum að njóta þessara hluta og opna Vatnskots safn í ofangreindu húsnæði.

Vatnskots safnið verður staðsett í sama húsi og Factory Car Museum á Beiðdalsvík. Helga Hrönn Melsteð (langafabarn Símonar í Vatnskoti) og eiginmaður hennar Ingólfur Finnsson eru meðal eigenda bílasafnsins. Þau festu kaup á Harley Davidson hjóli Péturs og fluttu til Íslands. Hjólið verður í öndvegi í Vatnskotssafninu

Símon Daníel Pétursson uppfinninga- og hagleiksmaður í Vatnskoti í Þingvallasveit.

f. 2.febrúar 1881 d. 27.apríl 1966

Símon skildi eftir sig talsvert af verkfærum og búnaði sem varðveist hefur meðal afkomenda. Völdum áhöldum verður nú fundinn staður í Vatnskots safninu.

Pétur Símonarson uppfinningamaður og rafvélavirki fæddist í Vatnskoti í Þingvallasveit 4. ágúst 1911. d. 11.nóvember 1997.

Pétur var annálaður hagleiksmaður og smíðaði ýmiskonar vélar og farartæki. Eiginkona Péturs var Fríða Ólafsdóttir.

Vatnskots safnið er tileinkað hjónunum í Vatnskoti, Símoni Daníel Péturssyni og Jónínu Sveinsdóttur, auk afkomendum þeirra. Á myndinni eru þau hjón með börnum sínum, talið frá hægri: Aðalsteinn Símonarson, Sveinborg Símonardóttir, Helga Melsteð Símonardóttir, Katrín Símonardóttir og Pétur Símonarson