Further Information

CYCLOTHON 2021

Team RECON mun taka þátt í Símann Cyclothon þar sem hjólað verður í kringum landið. Af því tilefni mun liðið safna áheitum til styrktar Krafti - Stuðningsfélag fyrir ungt fólk sem greinst hefur með krabbamein og aðstandendur þeirra. Vertu með okkur í liði og styrktu góðan málstað.

Við erum allir skriðnir í að vera miðaldra og flestir æskuvinir. Okkur hefur dreymt um að taka þátt í Cyclothon keppninni saman. Höfum allir hjólað í nokkur ár og fimm af átta í liðinu hafa tekið þátt áður í keppninni. Þrír hafa ekki hjólað áður en eru þeim mun spenntari (eða kannski stressaðir) fyrir að taka þátt.

Við höfum verið að æfa síðustu mánuði til að reyna að gera þetta sem best og klára þetta verkefni eins vel og við getum.

Við stefnum á að klára hringinn á undir 44 tímum og verða komnir í bæinn fyrir klukkan 15 á föstudeginum 25. júní. Það gerir um 31 km/klst í meðalhraða.

Aðalatriðið hjá okkur er að hafa gaman og upplifa landið okkar á þennan einstaka máta.

Við viljum endilega að fólk hjálpi okkur að safna fyrir Krafti og erum ævinlega þakklátir þeim sem eru til í að hjálpa okkur í því.

Þessi söfnun hjá okkur fyrir Kraft er með samþykki Símanns sem sér um Síminn Cyclothon og við viljum líka benda á að Síminn stendur fyrir söfnun fyrir Landvernd og bendum við þeim sem vilja styrkja það málefni líka eða frekar að gera það hér: http://registration.siminncyclothon.is/teams/keppandi?cid=10696

Við þökkum öllum aðstandendum, Símanum, RECON, Krafti og öllum sem hafa aðstoðað okkur við undirbúning kærlega fyrir.

Þeir sem eru á myndinni og í liðinu eru Aðalsteinn Haukur Sverrisson, Ágúst Ævar Gunnarsson, Árni Már Rúnarsson, Birgir Árnason, Jón Árni Ólafsson, Ingimar Guðmundsson, Magnús Lárusson, Sindri Bergmann.

Hægt er að nálgast frekar upplýsingar um keppnina hér: https://siminncyclothon.is/