Further Information

Hljómplatan tilveran er ellefu laga plata með tónlist eftir Kristján Ingimarsson. Þó að lögin hafi verið samin á nokkurra ára bili var aðdragandinn að útgáfunni stuttur en undirbúningur hófst í október í fyrra. Jón Ólafsson sá um að velja lög á plötuna úr safni Kristjáns og urðu ellefu lög fyrir valinu. Jón sá um útsetningar og upptökur auk þess sem hann sá um hljómborðsleik og raddanir. Stefán Már Magnússon spilaði inn gítara og bassa og Magnús Magnússon trommaði inn á plötuna. Stefnt er á útgáfu um mánaðamótin mars/apríl og verður platan gefin út á stafrænu formi, á geisladisk og vinyl.

Það er mikils virði fyrir Kristján að finna fyrir stuðningi hér á Karolina fund og það léttir svo sannarlega undir við útgáfuna. Hann kann þeim sem styrkja verkefnið bestu þakkir fyrir.