Further Information

Minnisbók sem gæti verið gjöf til afa og ömmu sem fylla hana út og gefa barnabarni sínu til baka. Útfyllt bókin lýsir og tiltekur atvik í ævi gamla fólksins sem verða því meiri gersemar sem árin líða svo ekki sé talað um fráföll ömmu og afa. Bókin inniheldur um 140 spurningar og með auðu plássi þar undir fyrir svörin auk síðum fyrir myndir af viðkomandi. Upplögð samtenging á Covid-tímum, þeim öldnu til upprifjunar og barni til ununar.

Ég heiti Ólafur Magnús Schram og er 6 barna faðir og á 8 barnabörn. Ég sit heima eins og þið og reyni að þvælast ekki mikið inn á önnur heimili, því ekki vil ég verða valdur að útbreiðslu veirunnar. Nú hefur þetta ástand varað í heilt ár og litlu börnin verða ekki yngri. Kannski eru þau þó enn svo ung að þau ná ekki því sem bókin innifelur eftir þína meðferð, en sá áhugi kemur fyrr eða síðar. Þá verður þessi bók gersemi þeirra.
Bókin á hvort sem er að höfða til ömmu sem afa. Allar spurningar eiga að vera kynlausar (enda um 7 kyn að velja nú til dags). Svo vék ég út af spurningu eins og "hvað varstu gömul" í "á hvaða aldri varst þú" svo fulls réttlætis og jafnvægis sé gætt við bæði afa og ömmu.
Það kannast allir við að draga hluti, jafnvel viðræður við börnin ykkar vilja dragast og oft hef ég spurt sjálfan mig: "af hverju spurði ég aldrei mömmu?" en nú er það of seint. Látið það ekki henda ykkur, hér er bókin til að drífa í þessu.