Further Information

--- English description below --- 

„Skerandi háð og nístandi harmur standa áreynslulaust hlið við hlið í ljóðum Harðar Andra.“ – Guðmundur S. Brynjólfsson rithöfundur.

Ljóðabókin Feyktu mér stormur hefur verið lengi í vinnslu enda var handritið að mestu leyti tilbúið árið 2011. Síðan þá hefur bókin tekið smávægilegum breytingum, og framförum, eins og vín sem hefur fengið að gerjast í góðan tíma. Nú er hún loksins tilbúin til útgáfu og inniheldur ljóð af ýmsum toga, bæði trúarlegum og veraldlegum, heimspekilegum og hugsunarlausum, en öll hafa þau eitthvað til brunns að bera. 

Bókinni er skipt í fjóra kafla, sem hver um sig dregur upp ákveðna mynd, en saman mynda kaflarnir vegferð þar sem lesandinn fylgir skáldinu gegnum baráttu ljóss og myrkurs, manns og Guðs, manns og hans sjálfs, sannleika og efasemda. Munurinn er ekki alltaf augljós en útkomuna verður hver og einn að finna fyrir sjálfan sig.

Hörður starfar sem grunnskólakennari í Súðavík þar sem hann býr ásamt eiginkonu sinni og fimm af sex dætrum. Hann leggur stund á guðfræðinám og skriftir, eftir hentugleika, ásamt því að njóta lífsins lystisemda á hinum fögru Vestfjörðum þar sem grasið er grænna, snjórinn er hvítari og stjörnurnar skína skærar en á öðrum stöðum í heiminum. Hann vinnur nú að sinni fyrstu skáldsögu ásamt því að yrkja ljóð. 

Með því að styrkja verkefnið færið þið skáldinu ómælda gleði. Jafnframt stuðlið þið að áframhaldandi grósku í útgáfu ljóða á Íslandi, sem er bráðnauðsynlegt bókmenntaform út af fyrir sig og oft fyrsta skrefið á farsælum rithöfundaferli margra þekktra höfunda. 

Ljóð úr bókinni

Bráðum kemur dauðinn  

Hún vaknar í ísaldarklakanum 
sem bráðnar undan viskusól mannsins 
Banvæn skríður hún af stað 
ferðast manna á milli 
óvelkomnari en þyrnir í auga 
eftirsóttari en Havílagull  

Frumstæð skepna, sköpuð til að drepa
stelur, slátrar og eyðir
lífum mannanna barna
sem anda að sér köldum sólargeislunum
í morgunfrostinu
þar sem gasljósin dansa á heiðum himni
og stjörnurnar skína á daginn 

Tunglið og sólin hanga á sömu festingunni
birtan blandast nóttinni
Yfir fjöllunum lafir dauðinn
í dölunum búa grafirnar
að lokum snjóar yfir allt
og náttúran er hvít og fögur

--- English description ---

„Cutting irony and penetrating mourning stand effortlessly side by side in the poems of Hörður Andri,“ – Guðmundur S. Brynjólfsson writer.      

The book of poetry Feyktu mér stormur has been in the making for a very long time and the script was more or less ready in the year 2011. Since then it has taken small steps of change, and improvements, like wine which is given a good time to mature. Now the book is finally ready to be published and contains poems of all sorts, both religious and secular, philosophical and without much thought, but all of them have something interesting to offer.      

The book is split into four chapters where each chapter draws a certain picture by itself but together they make up a journey where the reader follows the author through the battle between light and darkness, man and God, man and himself, truth and doubts. The difference is not always obvious but every individual must find the conclusion by himself.       

Hörður works as a grammar school teacher in Súðavík, where he lives with his wife and five of his six daughters. He uses his time to study theology and write literature, as well as enjoying life’s delights on the beautiful West Fjords where the grass is greener, the snow is whiter and the stars shine brighter then in any other place in the world. He is currently working on his first novel as well as writing poetry.      

By sponsoring this project you give the poet great joy. Also, you enhance continuous growth in the publishing of poetry in Iceland, which is an essential form of literature as well as often being the first step of a successful career for many known writers.