Further Information

fortíðarþráhyggja

kæri sáli
gætir þú vinsamlegast
fjarlægt þessa löngun mína
í það sem ekki
stendur lengur til boða?

það er austfjarðaþoka
í huga mér
sem byrgir mér framtíðarsýn

efi

fyrir austan er faðir sem syrgir
og samfélagið gerir ekkert
nema bíða eftir þeim næsta

í borginni eru 200 kranar
sem sveiflast til og frá
í tangódansi við engan

á akureyri snjóar látlaust
yfir stúlku sem liggur
og lætur sig dreyma

á vík er svartur sandur
sem gælir við litlar tær
fótsporin grunn en full af efa

uppi í risi ert svo þú
ég var þar líka
en nú bíð ég eftir þeirri næstu
á meðan dansa ég tangó við engan
en læt mig dreyma
fullur af efa