Further Information

Ætlaði að vera eitt ár var 48.

Hann kom til eins árs dvalar frá Austurríki en var á Íslandi í 48 ár.

Páll Pampichler Pálsson átti sem stjórnandi og tónskáld ríkan þátt í ótrúlegri uppbyggingu tónlistarlífs á Íslandi.

Páll var stjórnandi Sinfóníuhljómsveitar Íslands, Karlakórs Reykjavíkur, Lúðrasveitar Reykjavíkur, Kammersveitar Reykjavíkur og Skólahljómsveitar Vesturbæjar.

Páll samdi fjölda verka fyrir hópana sína og aðra tónlistarmenn, hljómsveitarverk, einleikskonserta, kórverk, verk fyrir blásarasveit og kammertónlist. Í bókinni er í fyrsta sinn birt skrá yfir um 140 tónverk Páls.

Páll var þekktur fyrir léttleika og gleði sem bæði tónleikagestir og áhorfendur sjónvarps nutu.

Í bókinni er sagt frá uppvexti Páls, fyrstu árunum á Íslandi og heilladrjúgu starfi hans í þágu tónlistarinnar.

Mynd: Andrés Kolbeinsson

Ljáðu mér vængi eru minningarbrot úr lífi Páls Pampichler Pálssonar hljómsveitarstjóra, hljóðfæraleikara og tónskálds byggð á bók Moniku Gschiel í þýðingu Rutar Ingólfsdóttur og Sigurðar Ingva Snorrasonar.

Ennfremur eru í bókinni greinar eftir Rut, Sigurð Ingva, Stefán Þ. Stephensen og Lárus H. Grímsson að viðbættum ítarlegum listum um verkefni Páls á langri starfsævi.
Bókin kemur út þann 9. maí 2020, á 92. afmælisdegi Páls.

Á geisladisknum Kristallar (1994) leikur Kammersveit Reykjavíkur sjö kammerverk Páls. Einsöngvarar eru Rannveig Fríða Bragadóttir og Signý Sæmundsdóttir.

Við sem stöndum að útgáfu þessarar bókar áttum því láni að fagna að starfa með Páli á ýmsum vettvangi í áratugi og ekki síst að öðlast einlæga vináttu hans. Því finnst okkur mikilvægt að koma á framfæri frásögn af lífshlaupi hans.
Formála að bókinni skrifar Vigdís Finnbogadóttir fyrrverandi forseti Íslands en milli hennar og Páls hefur alltaf ríkt góð vinátta.

Mynd:Jón Þór Hannesson