Further Information

Hópurinn Takk Bára var stofnaður til að slá skjaldborg í kringum Báru Halldórsdóttur eftir að hún kom fram sem “Marvin”, uppljóstrarinn sem tók upp samtal þingmanna á Klaustri og kom því til fjölmiðla.

Takk Bára hefur frá upphafi snúist um móralskan stuðning við Báru sem og mögulegan fjárhagslegan stuðning vegna kostnaðar hennar við málaferli og annað umstang sem fylgir því að standa í skotlínunni. Margt fólk hefur lýst yfir áhuga sínum á að leggja Báru lið fjárhagslega þegar þess þarf á að halda. Nú er svo komið að kostnaður Báru liggur fyrir vegna rannsóknar og úrskurðar Persónuverndar sem Klaustursþingmenn fóru fram á. Málaferlum er lokið - í bili allavega.

Lögmannsstofan Réttur lagði Báru lið í málinu og veitti henni verulegan afslátt af kostnaði - það sem eftir stendur er um 300.000 kr. sem er um 10% af raunvinnunni.

Söfnunarkostnaður

Takk Bára efnir nú til söfnunar handa Báru til þess að greiða þennan kostnað að fullu. Þar sem ýmis kostnaður, beinn og óbeinn hefur fallið á Báru vegna málsins annar en lögfræðikostnaður, svo sem ferðalög, aukinn lækniskostnaður vegna álags, vinnutap konunnar hennar, ofl. mun allt sem safnast í þessu átaki einfaldlega renna til Báru. Markmiðið er lögfræðikostnaðurinn en allt umfram það nýtist Báru í að rétta sig af fjárhagslega. Mörg ykkar hafa verið að bíða eftir því að geta sagt Takk Bára í formi fjárframlags - sá tími er kominn núna. Gerum þetta saman!

Heimasíða Báru: http://citizenb.org