Further Information

Sagan

Þegar ég var 14 ára byrjaði ég að semja tónlist. Þegar ég var orðinn 19 ára ákvað ég að nú væri kominn tími á að gera tónlistina að meira en bara áhugamáli.

Tumi Hrannar-Pálmason (ég), frumkvöðull verkefnisins, á ferðalagi í Víetnam sumarið 2018.

Ég lét því til skarar skríða og fékk til liðs við mig þrjá hljóðfæraleikara til að vera með í að útsetja, taka upp og gefa út tónlistina mína. Strákarnir sem urðu fyrir valinu voru kunningjar mínir úr tónlistarskóla Akureyrar;

Hafsteinn Davíðsson (trommur)
Jóhannes Stefánsson (rafgítar)
Guðjón Jónsson (hljómborð)

Hér gefur að líta okkur kumpánana pósa eftir skemmtilegt gigg á R5 bar í apríl 2018. Frá vinstri: Jóhannes Stefánsson, Guðjón Jónsson, Hafsteinn Davíðsson og Tumi Hrannar-Pálmason.

Strax á fyrstu æfingu varð ljóst að þetta samstarf myndi gefa mikið af sér, enda strákarnir ánægðir með tónlistina og bandið þétt. Eitt leiddi af öðru og í apríl 2019 tókum við þátt í Músíktilraunum þar sem við fórum í úrslit og unnum til tveggja einstaklingsverðlauna, ég fyrir bassaleik og Guðjón (Gaui) fyrir hljómborðsleik.

Flutningur hljómsveitarinnar í úrslitum Músíktilrauna 2019.

Við Jói leikum listir okkar á Músíktilraunum.

Upptökur plötunnar "The Yellow" hófust haustið 2018 og afrakstur þeirra er nú þegar kominn að einhverju leyti á streymisveitur í formi smáskífa.

Spotify síðu Flammeusar má skoða hér:
https://open.spotify.com/artist/7erGGk1kS98mhaZybtASzR?si=yq9Q3uJ9T_afqzIU13kxRA

Upptökur á laginu "Jenny" sem gefið var út 3. nóvember 2018.

Af hverju að styrkja?

Við ætlum að fagna útgáfu plötunnar með útgáfutónleikum á Græna Hattinum 4. júlí næstkomandi, og fjármagn af Karolinafund myndi gera okkur kleift að framleiða geisladiska og boli til þess að selja þar. Endilega skoðið tónlistina á Spotify og ákveðið hvort þetta er ekki eitthvað sem væri þess virði að styrkja, og við vonumst til að sjá ykkur á Græna :)