Further Information

Hver ég er

Ég heiti Sigurður Sigurðsson og er munnhörpuleikari og söngvari. Ég hef starfað meira eða minna í tónheimum um áratugabil. Þar hef ég m.a. haldið mig í félagsskap Kentára, sem stofnuð var árið 1982. Ég hef komið víða við, leikið inn á hljómplötur og diska hjá fjölda hljómsveita og einherja.Sem sóló artisti hef ég gefið út þrjú albúm;"Almanak fyrir Ísland 2008","At my place" sem kom út árið 2009 og"Kvæði" sem kom út haustið 2011.Nú er í vinnslu nýtt albúm sem mun bera heitið "Á besta veg" sem ég stefni á að komi út í september. Á albúminu munu verða 11 lög sem ég samdi við ljóð Kristjáns Hreinssonar.

Ég er einn af stofnendum hljómsveitarinnar Kentár sem spilaði mikið á öldurhúsum víða um land hér á árum áður. Kentár gaf út þrjú albúm, "Same Places" (1985), "Blús Djamm" (1987) og "Læf á Grandrock" (2003)

Ég er meðlimur í Tregasveitinni með feðgunum Pétri Tyrfingssyni og Guðmundi Péturssyni ásamt þeim Jóni Borgari Loftssyni og Stefáni Ingólfssyni. Þetta er "sparihljómsveit" sem vaknar annars slagið til lífsins.

Við Tryggvi Hubner höfum oft rekist saman í spilamennsku, sem hefur aldrei verið leiðinlegt. Einn af mínum uppáhalds.

Á undanförnum árum hef ég einnig unnið með vini mínum Michael D.O. Pollock, þar sem leitast er við að spila blús- og heimstónlist í sinni einföldustu mynd, aftur í rótina.

Árið 2012 gáfum við út okkar fyrsta albúm; "Universal Roots" og árið 2013 kom annað út; "Agabe". Síðan hafa bæst þrjú albúm í hópinn; "3rd", "The 9th Degree" og "Full Circle".

Ég hef unnið með Björgvini Gíslasyni, bæði sem dúett og hljómsveit, þá með Ásgeiri Óskarssyni, Þorsteini Haraldssyni, Jens Hanssyni og Tómasi Jónssyni innanborðs. Gerist varla betra!

Hljómsveitin Kentár á síðustu blúshátíðinni á Patreksfirði, haut 2018

Hér fyrir ofan má sjá upptöku úr sjónvarpssal þar sem Ásgeir Óskarsson er að kynna þá nýútkomna sólóplötu sína.