Further Information

-- English description here ---

Scintilla er íslenskt sprotafyrirtæki í textíliðnaði. Scintilla hefur hingað til lagt áherslu á textílvörur fyrir heimili en ætlar núna að færa út kvíarnar og gera vörur úr öðrum efnum. Scintilla hefur með hönnun sinni lagt áherslu á framsækna grafík og munstur og sýnir þann 21. nóvember næstkomandi í Spark Design Space, línu af speglum með sandblásnum munstrum. 

Hjálpaðu okkur með því að taka beinan þátt í að byggja upp vörumerkið Scintilla!

Með því að styrkja þetta verkefni Scintilla ert þú ekki bara að hjálpa ungu vörumerki að koma nýrri framleiðslulínu á markað, heldur ert þú að styðja við nýsköpun á Íslandi og við grein sem er að taka sín fyrstu skref. Og það besta er að þú getur með þessu eignast vandaða og framsækna íslenska hönnun á góðu verði sem mun endast vel.  

Scintilla vörur eru vandaðar, framleiddar í Evrópu þær eru umhverfisvænar og “fair trade." Ef fólk kaupir Scintilla vörur í gegnum Karolina Fund þá fær það vöruna á betra verði en hún er á úti í búð.

€40 - 70x100 cm signed poster

€20 - A3 poster

€10 - Poster Digital download  

Til þess að styrkja verkefnið smellir þú einfaldlega á 'pledge to project' hnappinn hér hægra megin á síðunni. Velur upphæð og greiðir með kreditkorti eða millifærir inn á bankareikning Karolina Fund. Einfaldara gæti það ekki verið. Ef þú ert að styrkja í fyrsta skipti í gegnum Karolina Fund þarftu að stofna aðgang en það er gert til að við getum afhent þér þitt áheit þegar verkefninu lýkur og sent þér upplýsingar um framgang verkefnisins. Karolina Fund tekur við áheitum í Evrum til þess að einfalda erlendum aðilum þátttöku í verkefnum.

€30 Ilmir Vestfjarða Scintilla ilmkerti.

Scintilla Mirrors 

Scintilla sýnir línu af sandblásnum speglum. 

Scintilla hefur hingað til lagt áherslu á textílvörur fyrir heimili en ætlar núna að færa út kvíarnar og gera vörur úr öðrum efnum. Scintilla hefur með hönnun sinni lagt áherslu á framsækna grafík og munstur og sýnir þann 21. nóvember næstkomandi, línu af speglum með sandblásnum munstrum.  

Spegill 168x76 €550

Speglarnir sem sýndir verða eru með sandblásnum munstrum bæði að framan og að aftan. Þegar spegill er sandblásinn að aftan þá fer af málmfilman og sá partur speglar því ekki lengur. Með því að sandblása speglana bæði að framan og aftan þá verður til mjög falleg þrívídd. Að auki eru speglarnir málaðir aftaná með munstri þannig að það verður til samspil þriggja laga af munstrum. Speglarnir koma í fimm mismunandi stærðum, sá stærsti 320x200 cm og sá minnsti 41x51 cm.  

€200 spegill 64x89

€100 spegill 41x51

€450 spegill 120x160

Persónuleg sýn hönnuðar

“Í upphafi þegar ég byrjaði að leggja línurnar að stíl Scintilla þá var það ljóst að ég hafði ekki áhuga á módernískum stíl heldur miklu frekar post-módernískum. Í post-módernískum stíl eru tilvitnanir til fortíðar og í aðrar stíltegndir í skreytilistarsögunni og þær settar í nýtt samhengi. Í módernískum stíl er öllum hefðum og sögu fleygt og byrjað á núllpunkti með línu, ferning og hring. Ég hef miklu meiri áhuga á samhengi hlutana, hvernig hugmyndir þróast í gegnum listasöguna, hefðum og tilurð þeirra. 

Í hönnun Scintilla er sterk tilvitnun í sögu skreytilistar t.d í Art deco og Memphis hópinn frá 9. áratugnum. Með því að fást við post-módernískan stíl reynir miklu meira á þekkingu á listasögunni og skilning á hefðum.  

Þegar ég sýndi fyrst vörur undir vörumerkinu Scintilla í galleríi á Skólavörðustíg fyrir um 4 árum þá sýndi ég vörurnar á speglum sem lágu á gólfinu. Árið 2010 sýndi ég nýjar vörur í Spark Design Space á Hönnunarmars. Þá hannaði ég rúmgafl með útskornum speglum. Speglarnir áttu einhvern vegin við, þeir tilheyrðu Scintilla. Speglar voru líka áberandi á Art deco og hjá Memphis hópnum. Í desember síðastliðnum var ég stödd á kúbverskum veitingastað í Miami sem var frá Art deco tímabilinu. Staðurinn var þakinn speglum með skreytingum sem voru gerðar með því að skafa málmfilmuna aftan af speglunum. Þá fékk ég þessa hugljómun. Þessi stund er ástæðan fyrir því að ég ákvað að gera línu af Scintilla speglum.”

Linda Björg Árnadóttir er stofnandi Scintilla. Linda er bæði menntuð sem fata- og texílhönnuður og er   Lektor í fatahönnun við Listaháskóla íslands. Hún hefur starfað sem fata og textílhönnuður á alþjóðlegum markaði og hefur 15 ára reynslu í hönnun og framleiðslustjórnun.