Further Information

SKAFRENNINGARNIR ERU:

ÞORVALDUR DAVÍÐ útskrifaðist frá Juilliard listaháskólanum í New York með B.F.A. gráðu í leiklist árið 2011 en fyrir það hafði hann leikið fjölmörg hlutverk í öllum stærstu leikhúsum landsins. Eftir heimkomuna hefur hann verið í mörgum hlutverkum bæði í leiksýningum og á hvíta tjaldinu. Þá hefur hann nýlokið tökum í tveimur íslenskum bíómyndum sem verða sýndar í byrjun árs 2017. Þorvaldur hefur verið margviðurkenndur og verðlaunaður fyrir sín störf bæði á Íslandi og á erlendri grundu. Nú kemur hann fram, í fyrsta sinn, í hlutverki Jazz söngvara.

Hljómborðsleikarinn TÓMAS JÓNSSON útskrifaðist úr tónlistarskóla FÍH árið 2012, þá aðeins 19 ára gamall. Sama ár hlaut hann tilnefninguna „bjartasta vonin“ á íslensku tónlistarverðlaununum. Síðustu ár hefur hann komið víða við í íslensku tónlistarlífi og spilað með mörgum af okkar fremstu tónlistarmönnum og -konum bæði hérlendis og víða um heim ásamt því að spila inn á fjölmargar íslenskar hljómplötur. Hans fyrsta plata í eigin nafni kemur út í október 2016.

Trompetleikarinn ARI BRAGI KÁRASON útskrifðast, yngstur allra, úr FÍH aðeins 17 ára gamall frá jazz- og rokkbraut. Sama ár lauk hann framhaldsprófi í klassískum trompetleik frá sama skóla. Ari Bragi var á meðal 16 sem hlutu afreksverðlaun á 3000 manna sumarnámskeiði sumarið 2006 við hinn virta Interlochen skóla í Michichan og árið 2011 hlaut Ari Bragi íslensku tónlistarverðlaunin í flokknum „bjartasta vonin“ í öllum flokkum. Hann hefur spilað inn á tugi útgefna hljómplatna og verið fastur meðlimur í Stórsveit Reykjavíkur frá heimkomu úr námi frá New York þar sem hann stundaði nám við The New School For Jazz and Contemporary Music.

KRISTOFER RODRIGUEZ er kólumbísk-íslenskur slagverksleikari og lagahöfundur búsettur í Reykjavík. Tónlistin hefur alla tíð skipað stóran sess í lífi Kristo og ástríða hans fyrir spuna ásamt suðrænni arfleifð einkennir spilamennsku hans. Kristofer hefur unnið með fjölmörgum tónlistarmönnum sem margir eru leiðandi á íslensku tónlistarsenunni. Einnig hefur hann gráðu í tónlistarkennslu og hefur bæði kennt og búið til námsefni fyrir slagverk.

Kontrabassaleikarinn BIRGIR STEINN THEODORSSON útskrifaðist frá Tónlistarskóla FÍH vorið 2015 og stundar nú framhaldsnám í kontrabassaleik við Jazz akademíuna JIB í Berlín. Birgir hefur spilað með mörgum af þekktustu spilurum landsins. Hann hefur ferðast töluvert út fyrir landsteinana til að spila á erlendum jazzhátíðum auk þess sem hann hefur verið virkur í íslensku jazz senunni síðustu misseri.

FOR MORE INFORMATION

If you want to know about the band Skafrenningarnir and their album, please contact us: skafrenningarnir@gmail.com or call: 00354 692 7184
Facebook: https://www.facebook.com/skafrenningarnir/