Further Information

 

Flæðarmál er íslenskt bókmenntaverk átta kvenhöfunda. Í verkinu hefur ljóðum og smásögum verið raðað saman svo textarnir myndi sérstakt flæði ólíkra radda sem allar mætast í Flæðarmáli.

Bókin er samstarf ritlistar- og ritstjórnarnema í Háskóla Íslands sem njóta leiðsagnar Sigþrúðar Gunnarsdóttur, ritstjóra Forlagsins.

 

Alí-sögur

Helga Ágústsdóttir

Ekki gefa þjónunum

Við henni blöstu þau allra stærstu og sorgmæddustu brúnu

augu sem frúin á heimilinu hafði nokkurn tíman litið. Og

hún hafði séð þau mörg, brúnu augun.

Strax fyrsta daginn komst hún ekki hjá því að lauma að

honum matarbita. Litla greyið, hugsaði hún. Ég ætla að kalla

þig Alí. Degi síðar rétti hún Alí samloku. Hún talaði við

hann á frönsku og hunsaði allar viðvaranir um að gefa ekki

þjórfé. Drengurinn talaði svo fallega Túnis-frönsku að hann

hlaut að vera vel gefinn. Hann var bara vannærður.

Þetta var óvenjulegt frí. Börnunum var of heitt til þess að

gera mikið annað en að kvarta og kæla sig í sjónum. Frúin

fékkst hins vegar varla til þess að yfirgefa veitingastaðinn.

Eiginmanninum þóttu þessar tiktúrur frúarinnar ekki

skemmtilegar, en þar sem hún hafði verið svo eirðarlaus og

vansæl upp á undanfarið tók hann þessu sem batamerki. Nú

brosti hún þó og þegar fríinu lyki, yrði Alí eftir í Túnis og þau

færu aftur heim..

 

 

Núið er viðbjóðslegt

Ingibjörg Magnadóttir

Það er eitthvað viðbjóðslegt við kökur

En það er eitthvað indælt við kökuskán

Strikin sem gaffallinn teiknar á diskinn

Það er eitthvað viðbjóðslegt við líf mitt

En það er eitthvað dásamlegt við slóðina sem ég skil eftir

 

Endastöðin

Þuríður Elfa Jónsdóttir

Þetta hlýtur að vera endastöðin hvísla ég að sjálfri mér veit

ekki hvar veit ekki hvers vegna ég er hér ein á ókunnum

brautarpalli án vegabréfs og lestin löngu farin við fætur

mína ferðataskan um hana bundin fínleg græn snúra

andrúmsloftið þokukennt veit ekki hvar veit ekki hvers vegna

ég finn svona til alls staðar lyfti töskunni og held áfram beint

af augum þögull farangurinn hniprar sig saman staðráðinn í

því að láta engan taka eftir sér ? staðráðin í því að láta engan

taka eftir mér held ég áfram beint af augum aðeins fáein

skref til viðbótar þá er ég komin þá er ég loksins komin loka

á eftir mér dyrum að bláum vegg opna ferðatöskuna og tek

sjálfa mig í fangið.

 

Höfundar bókarinnar eru:

Bjargey Ólafsdóttir, Halla Þórlaug Óskarsdóttir, Ingibjörg Magnadóttir, Árný Elínborg Ásgeirsdóttir, Jóhanna Friðrika Sæmundsdóttir, Helga Ágústsdóttir, Þuríður Elfa Jónsdóttir og Júlía Margrét Einarsdóttir.

Ritstjórar eru:

Ingibjörg Valsdóttir, Elín Valgerður Margrétardóttir, Ragna Ólöf Guðmundsdóttir, Rannveig Garðarsdóttir, Sigríður Ásta Árnadóttir, Inga Rósa Ragnarsdóttir og Sigþrúður Gunnarsdóttir.

 Hægt er að fylgjast með útgáfunni á  fésbókarsíðu hópsins: https://www.facebook.com/flaedarmal

 

English version:

Flæðarmál is a collection of literary works by eight Icelandic female authors. Their poems and short/flash stories have been put together in a book, creating a special flow, with the title referring to the tide line.

The book is the creation of fifteen women altogether, with the eight authors enjoying the co-operation and assistance of seven editors.

Authors of the book are:

Bjargey Ólafsdóttir, Halla Þórlaug Óskarsdóttir, Ingibjörg Magnadóttir, Árný Elínborg Ásgeirsdóttir, Jóhanna Friðrika Sæmundsdóttir, Helga Ágústsdóttir, Þuríður Elfa Jónsdóttir and Júlía Margrét Einarsdóttir.

Editors of the book are:
Ingibjörg Valsdóttir, Elín Valgerður Margrétardóttir, Ragna Ólöf Guðmundsdóttir, Rannveig Garðarsdóttir, Sigríður Ásta Árnadóttir, Inga Rósa Ragnarsdóttir and Sigþrúður Gunnarsdóttir.

Stay tuned and follow their progress on their facebook page: https://www.facebook.com/flaedarmal

 

 

Estimated delivery time for rewards: May 15th 2014.